अगुवा समाचार धनगढी २०८३ जेष्ठ ३१
सुदुरपश्चिम प्रदेशको अस्थायी राजधानी समेत रहेको कैलाली जिल्लाको सदरमुकाम धनगढीबाट प्रहरीले लागूऔषध सहित पहाडी जिल्ला बाजुराका एक जनालाई पक्राउ गरेको जनाएकोछ ।
पक्राउ पर्नेमा सुदुरपश्चिमको पहाडी जिल्ला बाजुराको बुढीगंगा नगरपालिका वडा नं ५ बस्ने २५ वर्षीय नरेन्द्र बहादुर शाह रहेकाछन् । शाहलाई प्रहरीले शुक्रबार साँझ धनगढी उपमहानगरपालिका वडा नं ३ त्रिनगर व्यारेल नजिकबाट अवैध रुपमा रहेको लागूऔषध खैरो हिरोइन ४ ग्राम ४६० मिलिग्राम सहित पक्राउ गरेको जिल्ला प्रहरी कार्यालय धनगढीले जनाएको छ ।
शनिबार साँझ जिल्ला प्रहरी कार्यालय धनगढी, कैलालीबाट गस्तीमा खटिएको प्रहरी टोलीले शाहमाथी शंकालागी चेकजाँच गर्नेक्रममा उक्त पदार्थ फेला पारि उनलाई लागुपदार्थ सहित पक्राउ गरेको वताइएको छ । यस सम्बन्धमा जिल्ला प्रहरी कैलालीले आवश्यक अनुसन्धान भइरहेको समेत वताएको छ ।
त्यसैगरी डाँका चोरी मुद्दामा ६ वर्ष कैद सजाय पाएका एकजनालाई प्रहरीले धनगढीबाट पक्राउ गरेको छ ।
जिल्ला प्रहरी कार्यालय धनगढी कैलालीबाट स्रोतबाट जानकारी भए अनुसार धनगढी उपमहानगरपालिका वडा नं १८ बस्ने ३२ वर्षीय रमेश खड्कालाई पक्राउ गरीएको छ ।
खडकालाई जिल्ला अदालत कैलालीको फैसलाले डाँका चोरी मुद्दामा ६ वर्ष कैद सजाय र ३३ हजार ७५० रुपैयाँ जरिवाना तोकेको थियो ।
जिल्ला प्रहरी कार्यालय धनगढी, कैलालीबाट खटिएको प्रहरीले खड्कालाई शुक्रबार उनकै घरबाट पक्राउ गरेको समेत प्रहरीले जनाएको छ ।
स्मरण रहोस यतिबेला प्रहरी धेरै सकृय अवस्थामा रहेको पाइन्छ । प्रहरीले धरैजसो फरार रहेको कैदीवन्दिहरुलाई पक्राउ गर्दैं जेलचलान गरीरहेको देखीन्छ । प्रहरीको यस्तो कार्यलाई सरहाननीय रुपमा लिनुपर्ने समाजसेवीहरुले वताउने गरेकाछन् । (अगुवा सन्देशबाट)
