परिश्रम गरेर उठेको मान्छे हु म, 
त्यसको पीडा कस्तोहुन्छ थाहा छ, 
मलाई आकाश भन्दा पनी
धर्तीको मोल कति हो थाहा छ । 

आफ्नै अस्तित्व भएको लचिलो रूख थियो 
उसले आँधीबेहरीको सामना गथ्र्यो, 
मलाई त्यो रुखमा भएको 
गर्व, निडरता र त्यसको भाग्य थाहा छ। 

सानो बाट ठुलो बन्न सजिलो छैन 
जिन्दगीमा धैर्यताको महत्व,
कस्तो र कतिहुन्छ भन्ने 
त्यसको महत्व मलाई थाहा छ । 

परिश्रम बढेपछि मनुष्यहरुमा
भाग्यको वकालत पनि बढ्दै जान्छ, 
अल्सरमा लुकेका ती रेखाको प्रभाव 
कति र कसरी बढ्छ मलाई थाहा छ । 

केही भेटियो जिवनमा सन्तुष्ट भए
केही खोजेपनि स्वीकार गरिन,
किनकी म मेरो अन्तिम गन्तव्य 
माटोको घर हो मलाई थाहा छ । 

बिना कारणपनि मुस्कुराउछु म 
आधा शत्रुलाई त्यसरी नै हराउछु म,
जल्ने जल्दै गरून् मेरो प्रगतीमा
मेरो अन्तिम गण्तव्य मलाई थाहा छ ।