नेपाल सीमासँग जोडिएको भारत खिरी जिल्ला अन्तरगत इन्द्रनगर ग्राम पञ्चायतमा शनिबार बिहान एउटा चितुवाले गाईको बाच्छोलाई मारेर खाएको छ। यस घटनापछि स्थानीय बासिन्दामा चरम त्रासको वातावरण सिर्जना भएको छ । ग्रामीणहरूले वन विभागसँग चितुवालाई चाँडोभन्दा चाँडो नियन्त्रणमा लिन माग गरेका छन् ।
खिरी जिल्लाको बनविरपुर स्थित बरिष्ठ पत्रकार लवकुश कुमारले दिएको जानकारी अनुसार घटनाको विवरण यश प्रकार रहेको छ ।
स्थानीय बासिन्दा उमेशको घर बाहिर बारीको छेउमा अन्य पशुहरूसँगै एउटा गाईको बाच्छो पनि बाँधिएको थियो । बिहान परिवारका सदस्यहरू उठ्दा बाच्छो देखिएन । बाच्छो नदेख्दा कतै बाधेको डोरी चुटाएर गएन भन्ने लागेछ ! वरपर खोजी गर्दा त्यहाँ चितुवाको पाइलाका छापहरू देखिए सोही छापहरुको आधारमा ग्रामीणहरू छिमेकीको उखुबारीमा पुगे, जहाँ बाच्छोको केहीभाग खाएको मृत शरीर फेला पर्यो ।
घटनालगत्तै वन विभागलाई खबर गरियो । सूचना पाएलगत्तै टोली घटनास्थलमा पुग्यो र वरपरको क्षेत्रमा गस्ती गरी स्थितिको अवलोकन गर्‍यो ।
त्यसपछी सुरक्षा निकायले आफ्नो प्रतिक्रिया र सुरक्षाका उपायहरुको बारेमा जानकारी गरायो ।
बरिष्ठ पत्रकार लवकुशका अनुसार वन दरोगा अजित सिंहले ग्रामीणहरूलाई सुरक्षाको भरोसा दिलाउँदै उक्त क्षेत्रमा छिट्टै पिँजरा राखिने बताए ।
त्यसैगरी रेन्जर भूपेन्द्र सिंहले ग्रामीणहरूको सुरक्षालाई ध्यानमा राख्दै त्यस क्षेत्रमा गस्ती बढाइएको जानकारी दिए । उनले भने चितुवाको गतिविधिमाथि निगरानी राखिरहेको र छिट्टै पिँजरा राखेर नियन्त्रणमा लिने काम गरिनेछ।
यश घटनापछी स्थानियहरुले चिन्ता व्यक्त गरेकाछन् । किनभने यो क्षेत्र नेपाल सीमासँग जोडिएकाले यस क्षेत्रहरुबाट स्थानियहरु यहि बाटोबाट निरन्तर रुपमा भारतीय बजारकालागी आवागमन गर्ने भएकाले असुरक्षीत भएको  महसुस गरिएको छ । तसर्थ, चितुवाको उपस्थितिले मानिसहरूमा सधैं डर त्रासको  भावछना जागृत भएको छ । कुनै पनि अप्रिय घटना हुन नदिन ग्रामीणहरूले वन विभागसँग तत्काल प्रभावकारी कारबाहीको माग गरेका छन् ।
स्मरण रहोस भारतीय सिमासुरक्षा बल एसएसबीले चितुवा नेपाल भारत सिमावर्ती क्षेत्रको गाउँमा देखिएकाले सिमाक्षेत्रसंग रहेका नेपाली गाउँहरुमा समेत पस्न सक्ने भएकाले नेपाली गाउँका स्थानीय र सुरक्षा निकायले समेत सतर्कता अपनाउनु पर्ने वताएकाछन् । उनिहरुका अनुसार यश क्षेत्रमा गन्ना खेती धेरै गरिने भएकाले सिकारको खोजीमा करिव १० देखी १५ माउ चितुवा आफ्नो बच्चाहरु सहित यस क्षेत्रमा दुदुवा नेश्नल पार्कबाट आएको हुनसक्ने वताएकाछन् ।