सन्त निरंकारी मण्डलको आयोजनामा भारतको हरियाणा स्थित समालखामा चलीरहेको सन्त निरंकारीको ७९औं अन्तराष्ट्रिय सन्त समागममा विदेशबाट आएका निरंकारी अनुयायीहरुले आफ्नो मन प्रफुल्ल भएको वताएकाछन् ।
७९औं निरंकारी सन्तसमागमको मुल ध्ये "जागृती" रहेको र त्यसको वास्तविकताका बारेमा प्रत्यक्ष रुपमा सतगुरु माता सुदिक्षा ज्यू र राजपिता रमित जी बाट जानकारी पाउँदा मन प्रफुल्ल भएको नेपालबाट निरंकार समागमलाई हेर्न र मुल्यांकन गर्न आएका समाजसेवी जगदिश्वर पण्डितले बताएकाछन् ।
त्यसैगरी सन्त निवास न २७ मा बस्नुभएका अमेरीका र क्यानडाबाट आएका निरंकारी अनुयायिहरुले समेत उक्त कुरा बताएकाछन् ।
दोस्रो दिनको समागममा सतगुरु माता सुदिक्षा ज्युले सतगुरु माता जीले आफ्नो पावन प्रवचनमा भन्नुभएको छ कि ब्रह्मज्ञान जागृतिको अन्तिम चरण होइन, बरु यसको सुरुवात मात्र हो । साँचो जागृति त्यो हो, जब मानिसले जीवनको प्रत्येक पलमा निराकारको अनुभूतिका साथ प्रेम, विश्वास र नम्रतापूर्वक जीवन बिताओस् । सत्संगमा केवल उपस्थित हुनु मात्र पर्याप्त छैन, बरु त्यहाँबाट प्राप्त शिक्षालाई आफ्ना व्यवहारमा आत्मसात गर्नु आवश्यक छ । हाम्रो सेवा र समर्पण देखावटीकालागि नभई साँचो भावयुक्त हुनुपर्दछ । अरूप्रति प्रेम राख्नु, निन्दा र अहंकारबाट बच्नु तथा आफ्नो बोली र कर्मबाट राम्रोपन झल्काउनु नै वास्तविक आध्यात्मिक जागृतिको पहिचान हो । भन्ने कुरालाई वताउनुभएको थियो ।
त्यसैगरी उक्त कार्यक्रममा सतगुरु माता जीले प्रेरणा दिनुभयो कि परमात्माद्वारा प्रदत्त साधनहरूको उपयोग मानवताको सेवा एवं परोपकारका लागि गरिनुपर्दछ । जीवनको हरेक परिस्थितिमा मनको शान्ति, सहजता र विश्वास कायम राख्नुपर्दछ भन्नुभएको थियो ।
कार्यक्रमको अन्तमा माता जीले सबै श्रद्धालुहरूको जीवनमा सेवा, सुमिरन र सत्संगप्रति समर्पण कायम रहोस् तथा ब्रह्मज्ञानबाट प्राप्त दिव्य प्रकाशले सदैव उनीहरूको जीवनमा प्रेम, शान्ति र भक्ति छाइरहोस् भन्दै आशीर्वाद सहित कामना गर्नुभएको थियो ।
